Кобжанов Нүркен Сайфиддинұлы

Өмірбаян

1967 жылы 29 желтоқсанда Қарағанды облысының Шахтинск қаласында дүниеге келген.

1985 жылы Қарағанды қаласының №93 орта мектебін бітірген. 1986-1988 жылдары Кеңес Армиясы қатарында әскери борышын өтеді.

«Құқықтану», «Экономика», «Мемлекеттік және жергілікті басқару» мамандықтары бойынша үш жоғары білімі бар.

Еңбек қызметі

1988–1996 жж. — Қарағанды облысының агроөнеркәсіптік кешені саласында қызмет атқарды.
1996–2002 жж. — Қарағанды облысы Осакаров ауданының «Жұлдыз» АҚ директоры.
2002–2007 жж. — Қарағанды облысы Осакаров ауданында астық дақылдарын өсіру жөніндегі ауыл шаруашылығы кәсіпорнының құрылтайшысы.
2007–2013 жж. — Қарағанды облысы Осакаров ауданы әкімінің орынбасары.
2013–2017 жж. — Қарағанды облысы Бұқар жырау ауданының әкімі.
2017–2022 жж. — Қарағанды облысы Осакаров ауданының әкімі.
2022–2023 жж. — Қарағанды облысы Бұқар жырау ауданының әкімі.
2023 жылғы 30 наурыздан бастап бүгінгі күнге дейін — Қарағанды облыстық мәслихатының VIII шақырылым депутаты.

Қоғамдық және мемлекеттік қызметі

2003-2007 жылдары III шақырылымдағы Қарағанды облысы Осакаров аудандық мәслихатының депутаты болды.

2023 жылғы 30 наурыздан бастап қазіргі уақытқа дейін — VIII шақырылған Қарағанды облыстық мәслихатының депутаты.

Елдің қоғамдық-саяси өміріне белсенді қатысқан:

Қазақстан Республикасы Президентінің сайлауында штаб мүшесі (2022 жыл);
республикалық референдумдар өткізу жөніндегі штаб мүшесі (2022, 2024 жылдар);
Конституциялық реформа жөніндегі комиссияның мүшесі (2026 жыл).

Марапаттары

«Құрмет» орденімен (2024 жыл) және «Парасат» орденімен (2026 год) наградталған. Көптеген мерекелік медальдармен және Құрмет грамоталарымен марапатталған.

2026 жылы Мемлекет басшысы Қасым-Жомарт Кемелұлы Тоқаевтың Алғыс хатымен марапатталды.

Отбасы

Үйленген. Алты баласы бар.