Өмірбаян
Сейданов Талғат Мекенбайұлы
1972 жылы 4 маусымда туылған
Сейданов Талғат Мекенбайұлы 1972 жылы 4 маусымда Зертас ауылдық округіне қарасты, Шомшақты ауылында дүниеге келген. 1987 жылы «Большевик» (қазіргі Қ.Мамытов атындағы) орта мектебін, 1990 жылы «Қапланбек» малдәрігерлік техникумын ауыл шаруашылық бухгалтері, 2005 жылы Қазақстан инженерлік педагогикалық Халықтар достығы университетін есеп және аудит мамандықтары бойынша бітірген. (1990-1992) жылдары кеңес әскері қатарында қызмет етті. Еңбек жолын 1992 жылы «Қазығұрт» совхозында есепші болып бастап, 1995-1997 жылдары бас есепшінің орынбасары, 1997-2007 жылдар аралығында «Қазығұрт» өндірістік кооперативінің бас есепшісі, 2007-2008 жылдары Төлеби ауданы әкімі аппаратының жетекші маманы, бас маманы. 2008-2012 жылдары Қазығұрт ауылдық округінде орналасқан шаруашылықтарды ірілендіруге белсене араласып, 2012 жылдан бері «Қазығұрт» өндірістік кооперативінің төрағасы қызметін атқарып келеді. Ауыл шаруашылығын дамытуға қосқан үлесі үшін ҚР Ауыл шаруашылық министрінің Құрмет грамоталарымен, облыс және аудан әкімінің Алғыс хаттарымен марапатталған. Отбасылы, өнегелі ұл-қыз тәрбиелеп өсіріп, немере сүйіп отыр.
