Жеңісбекұлы Қанат Қуанышұлы

Жеңісбекұлы Қанат тұтынушылардың құқықтарын қорғау комитеті төрағасының орынбасары болып тағайындалды. 1987 жылы туған. Шәкәрім атындағы Семей мемлекеттік университетін бітірген (аударма ісі; құқықтану).

Еңбек жолын 2008 жылы Астана қаласының салық органдарында түрлі лауазымдарда бастаған. 2010 жылдан бастап квазимемлекеттік секторда жұмыс істеді. 2015 жылдан - Семей қаласының Жер қатынастары бөлімінің бас маманы. 2016 жылдан - Қазақстан Республикасы Ұлттық экономика министрлігі Табиғи монополияларды реттеу және бәсекелестікті қорғау Комитетінің ШҚО бойынша департаментінің бас маманы, бірқатар бөлімдерінің басшысы. 2020 жылдан - Өскемен қаласының Кәсіпкерлер Палатасының 1, 2 санаттағы сарапшысы. 2021 жылдан бастап - Қазақстан Республикасы Сауда және интеграция министрлігінің Шығыс Қазақстан облысы бойынша тұтынушылардың құқықтарын қорғау департаменті басшысының орынбасары, басшысы. 2023 жылдан бастап тағайындалғанға дейін Қазақстан Республикасы Сауда және интеграция министрлігінің Солтүстік Қазақстан облысы бойынша сауда және тұтынушылардың құқықтарын қорғау Департаментінің басшысы қызметін атқарды.