Смағұлов Олжас Мұхтарұлы
Алматы қаласы әкімінің орынбасары
Өмірбаян
1989 жылы 27 тамызда Алматы қаласында дүниеге келген.
Америкалық құрлықаралық университетін, Помона қаласындағы Калифорния мемлекеттік политехникалық университетін, Жәңгір хан атындағы Батыс Қазақстан аграрлық-техникалық университетін және Лондон экономика және саясаттану ғылымдары мектебін бітірген.
Экономика, мемлекеттік саясат және басқару мамандықтары бойынша магистр дәрежесі бар.
2013–2015 жылдары – Атырау облысы әкімінің аппаратының ұйымдастыру-инспекторлық және ақпараттық-талдау бөлімінің бас маманы, сондай-ақ, Атырау облысының кәсіпкерлік және индустриялық-инновациялық даму басқармасында бас маман, басқарма басшысының орынбасары қызметтерін атқарған.
2015 жылы қаңтар-қазан аралығында – Қазақстан Республикасы Премьер-Министрі Кеңсесінің әлеуметтік-экономикалық бөлімінің бас сарапшысы.
2015–2017 жылдары – Ақтөбе облысы әкімі аппараты басшысының орынбасары.
2017–2018 жылдары – Ақтөбе облысының экономика және бюджеттік жоспарлау басқармасының басшысы.
2018–2019 жылдары – Ақтөбе облысы әкімінің орынбасары.
2019–2021 жылдары – Қазақстан Республикасы Премьер-Министрі Кеңсесі басшысының орынбасары.
2021 жылы шілде–қараша аралығында – Қазақстан Республикасы Премьер-Министрінің кеңесшісі.
2021–2025 жылдары – Қазақстан Республикасы Президенті Әкімшілігінің әлеуметтік-экономикалық саясат бөлімі меңгерушісінің орынбасары.
2025 жылы маусымнан бастап – Алматы қаласы әкімінің орынбасары.
