Құрманғалиева Баян Давлеткельджиевна
"Ақсу ауданының мансап орталығы" филиалы директоры
Өмірбаян
Курмангалиева Баян Давлеткельджиевна 1968 жылы дүниеге келген, Талдықорған қаласы Жансүгіров атындағы Жетісу мемлекеттік институтының «Педагогика және психология» мамандығын және Ө.Жолдасбеков атындағы құқықтану институтының «Заңгер» мамандығын аяқтаған.
Еңбек жолын 1987 жылы Егінсу ауылдық округіндегі № 8 балабақшада тәрбиеші болып бастады. 1991 жылы «Қарлығаш» балабақшасына меңгеруші болып ауыстырылды. 1994 – 1997 жылдар аралығында Егінсу орта мектебінде мұғалім болып қызмет атқарды. 1997 жылдан бастап Егінсу ауылдық округ әкімшілігіне хатшы қызметіне жұмысқа қабылданды. 2002 жылы Егінсу ауылдық округі әкімі қызметіне тағайындалды. 2011 жылдан бастап Ақсу ауданы әкімдігінің халықты жұмыспен қамту орталығы мемлекеттік мекемесінің директоры болып тағайындалды.
