Оразбеков Нұржан Серікқанұлы

Оразбеков Нұржан Серікқанұлы 1984 жылы 30 тамызда Шығыс Қазақстан облысы Үржар ауданы 1-май ауылында дүниеге келді, ұлты қазақ.

2005 жылы Шәкәрім атындағы Семей мемлекеттік университетін «Қаржы және кредит» мамандығы бойынша бітіріп, экономист мамандануымен біліктілігі берілді.

Еңбек жолын 2007 жылы Семей қазынашылық бөлімінде бастады. 2008 жылғы желтоқсан – 2012 жылғы қыркүйек аралығында Шығыс Қазақстан облысы бойынша Қазынашылық департаментінің төлеуге берілетін шоттарды енгізу бөлімінің бас маманы-бас қазынашысы, ведомстволық бақылау бөлімінің бас маманы-бас қазынашысы, төлемдерді өткізу басқармасы республикалық бюджеттегі мемлекеттік мекемелердің төлемдерін өткізу бөлімінің бастығы болып жұмыс істеді. 2012 жылғы қыркүйекте Ұлан аудандық қазынашылық басқармасының бастығы лауазымына ауысу тәртібімен тағайындалды. 2013 жылғы қарашада Шығыс Қазақстан облысы бойынша Қазынашылық департаменті басшысының орынбасары қызметіне тағайындалды. 2021 жылғы тамыздан бастап осы уақытқа дейін Шығыс Қазақстан облысы бойынша Қазынашылық департаментінің басшысы қызметін атқарады.

Адал еңбегі және мінсіз мемлекеттік қызметі, сондай-ақ Шығыс Қазақстан облысының қаржы жүйесін дамытуға қосқан үлесі үшін Қаржы министрінің және Қазынашылық комитеті төрағасының Құрмет грамоталарымен, облыстың қаржы саласын дамытуға қосқан үлесі үшін Шығыс Қазақстан облысы әкімінің Құрмет грамотасымен марапатталды.