Кеңес барысында Департаменттің құрылымдық бөлімшелерінің ағымдағы қызметі мен атқарған жұмыстарының қорытындылары қаралып, сондай-ақ алдағы аптаға арналған негізгі міндеттер мен басым жұмыс бағыттары айқындалды.
Өндірістік жарақаттанудың алдын алу, сондай-ақ еңбек заңнамасының балалар еңбегін пайдалануға жол бермеу бөлігіндегі талаптарын сақтау мәселелеріне ерекше назар аударылды. Мемлекеттік еңбек инспекторларына білім беру ұйымдарында, сондай-ақ өзге де ұйымдарда балалар еңбегін пайдалануға жол бермеу мәселелері бойынша түсіндіру жұмыстарын күшейту, жұмыс берушілер мен жұмыскерлердің хабардарлығын арттыру және еңбек заңнамасы талаптарының сақталуын қамтамасыз ету жөнінде тапсырмалар берілді.
Сонымен қатар әлеуметтік желілерді және Департаменттің ресми парақшасын дамыту және жүргізу мәселелері талқыланды. Азаматтарға ұсынылатын ақпараттың мазмұндылығын арттыру және еңбек қатынастары мен еңбек заңнамасы саласындағы өзекті мәселелерді жедел жариялау бойынша тиісті шаралар айқындалды.
Кеңес қорытындысы бойынша жауапты қызметкерлер айқындалып, қаралған бағыттар бойынша тиісті міндеттер белгіленді.
