6 қыркүйекте Жақсы-Есіл-Бұзылық автожолының теміржол өткелінде Volvo маркалы ауыр жүк көлігі мен келе жатқан локомотивтің қатысуымен жол-көлік оқиғасы болды.
Алдын ала мәліметтер бойынша, жүк көлігінің жүргізушісі бағдаршамның тыйым салынған сигналын елемей, теміржол өткеліне шығып, локомотивпен соқтығысқан.
ЖКО салдарынан зардап шеккендер жоқ. Ауыр жүкпен тасымалданған жүк, шамамен 23 тонна пияз, көлік қозғалысына кедергі келтіріп, жолға шашылды.
Оқиға орнында полиция қызметкерлері жол қозғалысын реттеуді дереу ұйымдастырып, жол қозғалысына қатысушылардың қауіпсіздігін қамтамасыз етті. Полицейлер жол-көлік оқиғасының зардаптары толық жойылғанға дейін қауіпсіз қозғалысты ұйымдастыруға және шашылған жүкті жинауға жәрдем көрсете отырып, сол жерде болды.
Қажетті жұмыстарды жүргізгеннен кейін жолдың осы учаскесіндегі қозғалыс толық көлемде қалпына келтірілді.
ЖКО фактісі бойынша тексеру жүргізілді. Ауыр жүк жүргізушісі жол ережесін бұзғаны үшін әкімшілік жауапкершілікке тартылды.
