Жамбыл бөлімшелік көліктегі санитариялық-эпидемиологиялық бақылау басқармасымен теміржол вокзалына күрделі жөндеу және реконструкция жұмыстарын жүргізіп жатқан «Спец Строй Эксперт» ЖШС учаске бастығымен кездесу өткізілді. Кездесу барысында үй-жайлардың қолжетімділігін қамтамасыз ету және оларды белгіленген санитариялық-гигиеналық талаптарға сәйкестендіру, медициналық көмекке мұқтаж жолаушыларға, мүмкіндігі шектеулі адамдарға, сондай-ақ балалары бар ата-аналарға тиісті жағдай жасау мәселелері талқыланды. Талқылау қорытындысы бойынша аталған үй-жайларды жобалық құжаттамаға және қолданыстағы нормативтік талаптарға сәйкес тиісті жабдықтармен қамтамасыз ету ұсынылды.
