"Солтүстік Қазақстан облысы Ғабит Мүсірепов атындағы ауданының Бірлік ауылдық округі әкімінің аппараты" коммуналдық мемлекеттік мекемесі·Жаңалықтар мұрағаты
10-18 тамыз аралығында Бірлік ауылдық округінде республикалық «Таза Қазақстан» экологиялық акциясы аясында аумақты тазалау және абаттандыру жұмыстары жүргізілді. Іс-шаралар барысында Киров көшесінде, Школьный бұрылысында, орталық саябақ пен аллеяда шөп шабылып, арамшөптер жұлынды, жаяу жүргіншілер жолдары сыпырылып, сондай-ақ бұрын кесілген ағаш бұтақтары жиналып, шығарылды.
Аталған жұмыстар елді мекеннің тазалығы мен тәртібін сақтау, қоғамдық аумақтардың санитарлық жағдайын жақсарту және округ тұрғындары үшін қолайлы жағдай жасау мақсатында жүргізілді.
«Таза Қазақстан» экологиялық акциясы жалғасуда. Акция тұрғындарды қоршаған ортаға ұқыпты қарауға және туған өлкені абаттандыру жұмыстарына белсенді қатысуға шақырады.
