Қазақстан Республикасы Денсаулық сақтау министрлігі Медициналық және фармацевтикалық бақылау Комитетінің Атырау облысы бойынша департаментімен 2026 жылғы 5 тамызда стоматологиялық клиникалар басшыларының қатысуымен семинар өткізілді.

Қазақстан Республикасы Денсаулық сақтау министрлігі Медициналық және фармацевтикалық бақылау Комитетінің Атырау облысы бойынша департаментімен 2026 жылғы 5 тамызда стоматологиялық клиникалар басшыларының қатысуымен семинар өткізілді.
Семинарда Атырау облысы бойынша жалпы медициналық қызметке, медициналық көмек беру сапасы бойынша департаментке келіп түскен жеке және заңды тұлғалардың өтініштерін қарау тәртібі, сондай-ақ қолданыстағы заңнамаға енгізілген өзгерістер бойынша түсіндірме жұмыстары жүргізілді.
Стоматологиялық ұйымдарға қатысты жеке және заңды тұлғалардың өтініштері негізінде жүргізілген жоспардан тыс тексерулер барысында анықталған бұзушылықтар мен кемшіліктер туралы баяндалды.
2026 жылғы 12 шілдеден бастап денсаулық сақтау субъектілері үшін міндетті біліктілік талабы ретінде пациенттердің дербес медициналық деректерін жинауды, өңдеуді және сақтауды қамтамасыз ететін, қолданыстағы медициналық көмек көрсету стандарттарына сәйкес электрондық медициналық жазбаларды қалыптастыруға арналған медициналық цифрлық жүйенің (МЦЖ) болуы енгізілгендігі айтылды.
Медициналық цифрлық жүйенің болуы лицензияны (немесе лицензияға қосымшаны) алу кезінде, сондай-ақ профилактикалық бақылау және біліктілік талаптарына сәйкестігін тексеру барысында тексерілетін болады.
Сәйкестікті растау үшін МЦЖ жеткізушісімен жасалған шартты ұсыну және жүйенің өндірістік базада жұмыс істеу қабілетін көрсету қажет.
Семинар соңында стоматологиялық клиникалар өкілдерінің қойылған сұрақтарына толықтырылған жауаптар берілді.