📢 2026 жылғы 25 тамыздан бастап алимент төлеудің жаңа тәртібі енгізіледі
2026 жылғы 25 тамыздан бастап Қазақстанда алимент қаражаты арнайы банктік шоттарға аударылатын болады.
🔹 Бұл өзгеріс кәмелетке толмаған балалар мен еңбекке қабілетсіз адамдарды асырауға арналған қаражаттың мақсатты жұмсалуын және сақталуын қамтамасыз етуге бағытталған.
🔹 Жаңа тәртіп Қазақстан Республикасының 2026 жылғы 24 маусымдағы №325-VIII Заңымен енгізілді.
🔹 Енді алимент өндіру барысында өндіріп алынған қаражат тек алименттерді есепке алуға арналған арнайы банктік шотқа аударылады.
📌 Ол үшін өндіріп алушы сот орындаушысына арнайы банктік шоттың деректемелерін ұсынуға міндетті.
✅ Жаңа норманың негізгі мақсаты – алимент қаражатының мақсатты пайдаланылуын қамтамасыз ету және балалар мен еңбекке қабілетсіз адамдардың құқықтары мен заңды мүдделерін қорғауды күшейту.
