Өндірістік жарақаттың алдын алу.

Өндірістік жарақат — жұмыскердің еңбек міндеттерін орындау кезінде алған және оның еңбекке қабілеттіліктен айырылуына немесе денсаулығының бұзылуына әкеп соққан зақымдануы. Бұл мәселе еңбекті қорғау ережелерін сақтамау, қауіпсіздік техникасы талаптарын орындамау және ұйымдастырылмаған жұмыс ортасы салдарынан туындайды.

Себептері мен түрлері

• Техникалық себептер: Ескірген жабдықтар, құрал-саймандардың ақауы және қорғаныш құралдарының болмауы.

• Ұйымдастырушылық себептер: Қауіпсіздік бойынша тиісті нұсқаманың берілмеуі, жұмыс режимінің бұзылуы.

• Психологиялық себептер: Жұмысшының шаршауы, тәртіпті сақтамауы және немқұрайлылығы.

• Жарақат түрлері: Механикалық (соққы, сыну), термикалық (күйік), химиялық улану және электр тогының соғуы.

Алдын алу шаралары

• Нұсқама өткізу: Жұмысқа кіріспес бұрын қауіпсіздік ережелері бойынша оқыту.

• Құралдармен қамту: Сапалы арнайы киім, каска және жеке қорғаныс құралдарын беру.

• Бақылау және тексеру: Техника мен жабдықтардың жұмысқа жарамдылығын үнемі қадағалау.

№4 Медициналық әлеуметтік сараптама бөлімінің бас маманы Н.Елшібекұлы