🔰Халықпен бірге болу, ашықтықты қалыптастыру - бүгінгі күннің басты талабы. Мемлекет басшысы Қасым- Жомарт Тоқаевтың "Халық үніне құлақ асатын Үкімет" тұжырымдамасы - соның айғағы. Бүгін аудан әкімі Сәкен Мамытовтың есептік кездесуі Жайылма ауылында жалғасты.
🔰Кездесу барысында аудан басшысы атқарылған жұмыстарға қысқаша тоқталып, алдағы жоспарларды баяндады: - Қадірменді көпшілік! Қазақстан Республикасының Президентінің «Әкімдердің халықпен кездесулерін өткізу туралы» 2022 жылғы 3 наурыздағы №826 Жарлығына сәйкес, бүгін өздеріңізбен кездесіп, 2026 жылдың І-ші жартыжылдығында ауданымызда атқарылған жұмыстары туралы баяндап, аудан жұртшылығының талап тілектеріңізді тыңдауға жиналып отырмыз. Жиынымыздың басында елімізде жүзеге асырылып жатқан саяси реформаларға тоқтала кетуді жөн көріп отырмын, - деп еліміздегі саяси науқан туралы кеңінен тоқталды.
🔰Сонымен қатар, өңірдің дамуына да тоқтала кетті. Мәселен, соңғы жылдары Жамбыл облысында ауқымды инвестициялық жобалар жүйелі түрде қолға алынуда. Бұл жұмыстар Мемлекет басшысы Қасым- Жомарт Кемелұлы Тоқаевтың инвестиция тарту, өңдеу өнеркәсібін дамыту және жаңа өндірістерді іске қосу жөніндегі тапсырмалары мен тұрақты қолдауының аясында жүзеге асуда. Қазіргі таңда облыстың инвестициялық пулында жалпы құны 5,6 триллион теңгені құрайтын 116 жоба бар. Оларды іске асыру нәтижесінде 20 мыңға жуық жаңа жұмыс орны ашылады деп күтілуде. Оның ішінде 71 жоба қазіргі таңда құрылыс кезеңінде. Тағы 45 жоба жобалау алдындағы дайындық жұмыстарынан өтуде. Бұл жобалардың басым бөлігі өнеркәсіп, энергетика, агроөнеркәсіптік кешен, туризм және «жасыл» экономика салаларына тиесілі.
🔰Есептік кездесуде тұрғындар тарапынан түрлі мәселелер көтерілді. Аудан әкімі Сәкен Үмбетұлы ауылды дамыту бүгінде үкіметтің басты мақсаттарының бірі екенін атап өтіп, мәселелердің оң шешілуіне күш жігерін арнайтынын жеткізді. Жайылмалықтар аудан басшысының жұмысына оң бағасын беріп, алдағы жұмыстарына сәттілік тіледі.
