2026 жылғы 7–8 тамыз аралығында Қызылорда облысының аумағында «Қауіпсіз үй» жедел-профилактикалық іс-шарасы өткізіледі.
Іс-шараның негізгі мақсаты – тұрмыстық зорлық-зомбылықтың алдын алу, қиын өмірлік жағдайға тап болған отбасыларды ерте анықтау және оларға жан-жақты қолдау көрсету.
Іс-шара барысында полиция қызметкерлері білім беру, денсаулық сақтау және әлеуметтік қорғау салаларының мамандарымен бірлесіп мобильді топтардың жұмысын ұйымдастырады. Сондай-ақ профилактикалық есепте тұрған азаматтар тексеріліп, тұрғындар арасында құқықтық түсіндіру жұмыстары жүргізіледі.
Қажет болған жағдайда тұрмыстық зорлық-зомбылықтан зардап шеккен азаматтарға құқықтық және психологиялық көмек көрсетіледі.
Полиция департаменті азаматтарды тұрмыстық зорлық-зомбылық фактілері туралы уақытылы хабарлауға шақырады. Әрбір өтініш міндетті түрде қаралып, заң талаптарына сәйкес тиісті шаралар қабылданады.
