Азаматтардың мүлкін қорғау – құқық бұзушылықтың алдын алудың маңызды бағыттарының бірі. Ұрлық пен алаяқтықтың құрбаны болмау үшін қарапайым қауіпсіздік шараларын сақтау қажет.
Үйден шығарда есік-терезенің мықтап жабылғанына көз жеткізіңіз, құнды заттарды көзге көрінетін жерде қалдырмаңыз және бейтаныс адамдарға сенбеңіз. Егер ұзақ уақытқа жолға шықсаңыз, көршілеріңізге хабарлап, тұрғын үйдің қауіпсіздігін бақылауды сұраған жөн.
Көлік иелері де автокөліктерін күзетілетін орындарға қоюға, есік-терезесін құлыптап, бағалы заттарды көлік ішінде қалдырмауға тиіс.
Күдікті адамдарды немесе құқық бұзушылық белгілерін байқасаңыз, бірден **102** арнасына хабарлаңыз. Мүлікті қорғау – әр азаматтың жауапкершілігі, ал сақтық көптеген құқық бұзушылықтың алдын алады.
