Бағдарламаны ведомствоаралық деңгейде алғаш рет іске асыру білім беру мәселелерін тек мектептің ғана емес, сонымен қатар мемлекет пен қоғамның ортақ жауапкершілігі ретінде қарастыруға мүмкіндік береді.
2026-2027 оқу жылында оқушылардың құқықтық мәдениетін қалыптастыру үшін 5-7 сыныптарда "Конституция негіздері", ал 8-11 сыныптарда – "Заң және тәртіп"курсы енгізіледі. "Жеке қауіпсіздік" оқу курсы балалардың қауіпсіз мінез-құлық дағдыларын және әртүрлі жағдайларда дұрыс шешім қабылдау қабілетін дамытуға бағытталған.
Жаңа Конституция негізінде "Адал азамат" бағдарламасының брендбукі де жаңартылды. Мектеп кеңістігі тәрбиенің маңызды құралы ретінде қарастырылады. Мұғалімдермен және ата-аналармен бірге баланың қалыптасуына оның қоршаған білім беру ортасы әсер етеді.
Сонымен қатар, Мемлекет Басшысы Қасым-Жомарт Тоқаевтың тапсырмасы бойынша "Таза Қазақстан" тұжырымдамасы аясында "Жасыл мектеп"пилоттық жобасы іске қосылады. Жоба экологиялық білімді оқу процесіне біріктіруді және оқушылардың табиғатқа жауапкершілікпен қарау мәдениетін қалыптастыруды көздейді.
Осы бастамалардың арқасында "Адал азамат" құндылықтары мектеп өмірінің ажырамас бөлігіне айналады, ал әрбір баланың жан-жақты дамуы үшін жақсылық жасалады
