Мемлекеттік бақылау – арнаулы әлеуметтік қызметтердің сапасын қамтамасыз етудің және қызмет алушылардың құқықтарын қорғаудың маңызды тетігі.
Мемлекеттік әлеуметтік инспектор заңнама талаптарының сақталуын, арнаулы әлеуметтік қызметтердің сапасын, оларды көрсету жағдайларын, сондай-ақ қызмет алушылардың құқықтары мен заңды мүдделерінің сақталуын бақылайды.
Бұзушылықтар анықталған жағдайда бақылау субъектісіне оларды белгіленген мерзімде жою туралы нұсқама беріледі. Қазақстан Республикасының заңнамасында көзделген жағдайларда әкімшілік ықпал ету шаралары қолданылады.
Мемлекеттік бақылау барысында қолжетімді орта талаптарының сақталуына ерекше назар аударылады. Атап айтқанда, пандустардың, тұтқалардың, санитариялық-гигиеналық тораптардың қолжетімділігі, қозғалысы шектеулі азаматтар үшін қажетті жағдайлардың жасалуы, сондай-ақ арнаулы әлеуметтік қызмет көрсететін ұйымдардағы қауіпсіз әрі қолайлы ортаның қамтамасыз етілуі тексеріледі.
Мемлекеттік бақылау көрсетілетін қызметтердің сапасын арттыруға және қызмет алушылардың құқықтарын қорғауға бағытталған.
