Астанада төтенше жағдайлар туындаған кездегі азаматтық қорғау органдарының, жергілікті атқарушы органдардың және өзара іс-қимыл жасайтын қызметтердің іс-әрекеттерін пысықтауға бағытталған практикалық іс-шаралар өткізілуде.
Оқу-жаттығу барысында ҚР азаматтық қорғау саласындағы заңнама талаптарына сәйкес жинақтау эвакуациялық пункті (ЖЭП) жайылып, қажетті құрал-жабдықтармен қамтамасыз етіліп, жұмысқа дайындалды. Сонымен қатар халықты қабылдау, тіркеу, есепке алу, уақытша орналастыру және қауіпсіз эвакуациялауды ұйымдастыру мәселелері пысықталды.
Осындай оқу-жаттығулар күштер мен құралдардың әзірлік деңгейін бағалауға, ведомствоаралық өзара іс-қимылды жетілдіруге және төтенше жағдайлар кезінде халықтың қауіпсіздігін қамтамасыз ету жөніндегі іс-шаралардың тиімділігін арттыруға мүмкіндік береді.
