Мемлекеттік еңбек инспекторы З.Б. Сансызбай Павлодар облысының Кәсіподақтар аумақтық бірлестігінің төрағасы Балтабек Төлеубаевпен бірлесіп, күзет агенттігінің, денсаулық сақтау мекемесінің қызметкерлерімен, сондай-ақ «Мемлекеттік, банк мекемелері және қоғамдық қызмет көрсету қызметкерлерінің салалық кәсіподағы «Қызмет» қоғамдық бірлестігі филиалының өкілдерімен ақпараттық-түсіндіру кездесуін өткізді.
Кездесу барысында еңбекке ақы төлеу, ұжымдық шарттарды жасасу, тіркеу және мониторинг жүргізу, сондай-ақ еңбек заңнамасының талаптарын сақтау мәселелері қаралды.
Қатысушылардың сұрақтарына жауап беріліп, Қазақстан Республикасының қолданыстағы заңнамасы аясында қажетті түсіндірмелер берілді.
