Қарғалы ауданының әкімі Нұрлыбек Унербаев жұмыс сапарымен Ащылысай ауылдық округінде болып, бірқатар шаруа қожалықтарының тыныс-тіршілігімен және атқарылып жатқан жұмыстардың барысымен танысты.
Сапар барысында аудан басшысы шаруашылықтардың өндірістік әлеуетін, мал азығын дайындау науқанының жүргізілуін, ауыл шаруашылығы техникаларының жағдайын және алдағы кезеңге арналған жоспарларын зерделеді. Шаруа қожалықтарының басшыларымен кездесіп, саладағы өзекті мәселелер мен оларды шешу жолдары талқыланды.
