Алматы облысының әкімі Марат Елеусізұлы Сұлтанғазиев пен облыстық мәслихаттың төрағасы Қуат Байғоджаев жұмыс сапарымен Жамбыл ауданына барды.
Сапар аясында өңір басшылары Жамбыл ауданы Қарасу ауылдық округінде орналасқан «BOSAGA Co» ЖШС-ның заманауи кірпіш зауытының жұмысымен танысты. Жобаның жалпы құны – 3,5 млрд теңге. Жылына 50 миллион дана кірпіш өндіруге қауқарлы кәсіпорында 50 адам тұрақты жұмыспен қамтылмақ. Бүгінде зауытты іске қосу жұмыстары қарқынды жүргізілуде.
Сапар барысында облыс әкімі Марат Сұлтанғазиев Жамбыл ауданының тұрғындарымен кездесті. Жиын Сарыбай би ауылындағы мәдениет үйінде өтті.
Кездесуде аудан әкімі Нұрлан Ертасұлы өңірдің әлеуметтік-экономикалық даму көрсеткіштері туралы баяндады. Сондай-ақ, облыс әкімі аймақтың даму перспективалары мен атқарылар жұмыстар жөнінде кеңінен тоқталып, тұрғындардың сұрақтарына жауап берді.
