Бородулиха аудандық мәслихатының төрағасы Урашева Сауле Тұрсынқызы аудан әкімінің міндетін атқарушы Мұратов Талғат Батырұлымен бірге Бородулиха ауылының бірқатар нысандарын аралады. Жұмыс сапары барысында «Бородулиха ауданының коммуналдық шаруашылығы» КМК-на барып, кәсіпорынның ағымдағы қызметімен танысты, техникалық жарақтандырылуын қарап, жұмысты ұйымдастыру және білікті мамандармен қамтамасыз ету мәселелерін талқылады. Қазіргі таңда кәсіпорында 8 адам жұмыс істейді. Сонымен қатар, шамамен 8 бос жұмыс орны бар. Атап айтқанда, жұмысшылар, электрші, дәнекерлеуші және механик мамандары қажет. Коммуналдық шаруашылық ауданның тыныс-тіршілігін қамтамасыз етуде маңызды рөл атқарады. Сондықтан кадрлық құрамның толық болуы көрсетілетін қызметтердің сапасына тікелей әсер етеді.
