Сыртқы экономикалық қызметке қатысушылардың назарына!

Сыртқы экономикалық қызметке қатысушылардың назарына!

2026 жылғы 12 шілдеден бастап Қазақстан Республикасы Қаржы министрінің 2026 жылғы 14 мамырдағы №306 бұйрығы күшіне енеді. Аталған бұйрықпен мемлекеттік кірістер органдарына есептілік ұсыну және есеп жүргізу тәртібіне өзгерістер енгізілді.

Негізгі өзгерістер:
«ақпараттық жүйе» термині Қазақстан Республикасының Цифрлық кодексіне сәйкес «цифрлық жүйе» терминімен ауыстырылды;
статистикалық есептілік нысандарының титулдық беттері және оларды толтыру жөніндегі түсіндірмелер жаңартылды; есепке алу кітаптарын (журналдарын) және есептілікті сақтау мерзімдері белгіленді;
заң техникасы талаптарына сәйкес редакциялық түзетулер енгізілді.

Бұл ретте есепке алу кітаптарының, журналдарының және есептілік нысандарының мазмұнына елеулі өзгерістер енгізілген жоқ.

2026 жылдың ІІ тоқсаны және І жартыжылдығы бойынша есептілік 2026 жылғы 12 шілдеге дейін қолданыста болған нысандар бойынша ұсынылуы тиіс.

«Keden» цифрлық жүйесінде автоматтандыру жұмыстары аяқталғанға дейін есептілік Мемлекеттік кірістер департаменттерінің электрондық пошта жәшіктері арқылы қабылданады.

Есептілікті жолдау кезінде:
• ілеспе хат қоса берілуі;
• тіркеу нөмірі мен күні көрсетілуі;
• орындаушының байланыс деректері жазылуы;
• хат тақырыбы мен файл атауы дұрыс рәсімделуі қажет.

Түркістан облысы бойынша МКД үшін есептілік келесі электрондық мекенжайға жолданады:
[email protected].