Тиктоктағы жарнама ақмолалық үшін 650 мың теңге шығынға айналды

Ақкөл ауданының тұрғыны теңіз контейнерлерін сатып алмақ болып, интернет-алаяқтықтың құрбанына айналды. Ақша аударылғаннан кейін сатушы байланысқа шығуды тоқтатқан.
Алдын ала мәліметтер бойынша, ер адам TikTok-та көрген теңіз контейнерлерінің сатылымы туралы жарнамаға қызығушылық танытқан. Жарнаманың дұрыстығы мен сатушының сенімділігін тексермеген ол WhatsApp нөмірі арқылы хабарласқан. Тараптар әртүрлі сыйымдылықтағы үш контейнерді сатып алуға ауызша келісті.
Әңгімелесушіге сенім артқан ақмола тұрғыны көрсетілген шоттарға 650 мың теңге аударған, алайда ақша алғаннан кейін сатушы бірден қоңыраулар мен хабарламаларға жауап беруді тоқтатқан. Нәтижесінде сатып алушы полицияға арыз берді.
Осы факт бойынша болған оқиғаның мән-жайын анықтауға бағытталған қажетті жедел және тергеу іс-шаралары жүргізілуде.
Ақмола полицейлері азаматтарды онлайн-сатып алу кезінде сақ болуға шақырады. Сатушы туралы ақпаратты тексермей, жарнамаларға сенбеңіз, сондай-ақ олардың сенімділігі расталғанға дейін бейтаныс адамдарға үлкен сомаларды аудармаңыз.
Есіңізде болсын: тартымды баға мен сенімді уәделер сатушының адалдығына кепілдік бермейді. Ақпаратты тексеріңіз, пікірлерді зерттеп, ақша аударуға асықпаңыз.