Жоба Мемлекет басшысының тапсырмасын орындау аясында прокуратура органдары мемлекетке қайтарған активтер есебінен іске асырылды.
Заманауи мектепте оқушылардың сапалы білім алып, жан-жақты дамуына қажетті барлық жағдай қарастырылған. Білім ошағында 18 оқу кабинеті, робототехника мен тігін кабинеттері, спорт залы, сондай-ақ баскетбол және футбол алаңдары бар.
Іс-шараға Қаражал әкімі А. Елеусизов, қала прокуроры Ж. Малтиков, Ұлытау облысы білім басқармасының өкілдері, жергілікті ақсақалдар, сондай-ақ теміржол саласының ардагерлері мен басқа да құрметті қонақтар қатысты.
Қаражал қаласындағы бұл жаңа мектептің құрылысын жүргізуге арнайы мемлекеттік қордан 1,2 млрд теңге бөлінген.
