Аманбөктер ауылында «Аманбөктер негізгі мектебі» коммуналдық мемлекеттік мекемесінің акт залында оқушылардың қауіпсіздігі, психологиялық дамуы және тәрбиесі мәселелеріне арналған жиын өтті.
Шараға ауыл әкімі және әкімдік қызметкерлері қатысты. Сондай-ақ жиынға Аналар кеңесі төрайымы, мектеп директоры, мұғалімдері, медицина қызметкерлері және ата-аналар шақырылды. Баяндамашы көрнекі презентация арқылы өзекті тақырыптарды таныстырды.
Жиында мынадай мәселелер талқыланды:
• балалардың мектепте және мектептен тыс уақытта қауіпсіздігін қамтамасыз ету;
• оқушылардың психологиялық денсаулығы және жас ерекшелігіне сай дамуы;
• ата-ана, мектеп және ауыл әкімдігі арасындағы ынтымақтастықты нығайту;
• мектеп формасына және оқушылардың сыртқы келбетіне қойылатын талаптар.
Қатысушылар сұрақтарын қойып, пікір алмасты. Жиын соңында балалардың қауіпсіз және жан-жақты дамуы үшін бірлесіп жұмыс істеудің маңызы атап өтілді.
