«Таза Қазақстан – тазалық пен тәртіптің, ортақ жауапкершіліктің жарқын көрінісі!»

Ақшоқы ауылдық округінде «Таза Қазақстан» республикалық экологиялық акциясы аясында тазалық жұмыстары жүргізілді.
Іс-шараның негізгі мақсаты – ауыл аумағының тазалығын сақтау, қоршаған ортаны қорғау, қоғамдық орындарды ретке келтіру және тұрғындар арасында экологиялық мәдениетті қалыптастыру.
Тазалық жұмыстары барысында ауыл көшелері мен қоғамдық аумақтарды абаттандыруға, айналаны қоқыстан тазартуға және ауылдың көркін жақсартуға ерекше көңіл бөлінді. Мұндай игі бастамалар туған жерге деген сүйіспеншілікті арттырып, қоршаған ортаға жанашырлықпен қараудың маңызын көрсетеді. Таза ауыл – жайлы өмірдің негізі, көрікті мекен – ортақ еңбектің жемісі! Ауылдың тазалығы мен көркеюі тек бір күндік науқанмен шектелмей, әрбір тұрғынның күнделікті дағдысына айналуы тиіс. Себебі туған жерді таза ұстау – баршамызға ортақ міндет әрі азаматтық жауапкершілік. «Таза Қазақстан» акциясы аясындағы жұмыстар алдағы уақытта да жалғасын тауып, Ақшоқы ауылдық округінің көркеюіне, тазалығы мен экологиялық жағдайының жақсаруына өз үлесін қоса береді.
Туған жерімізді бірге көркейтейік! Тазалықты сақтайық, табиғатты аялайық, ауылымызды таза әрі көрікті мекенге айналдырайық!