БКМ-ды есептен қашан шығару керек?

«Қазақстан Республикасы Салық кодексінің 111-бабының 4-тармағына сәйкес бақылау-касса машинасын (БКМ) салық органында есептен шығару заңнамада белгіленген жағдайларда жүргізіледі.

​Мұндай жағдайларға:

​тауарларды өткізу, жұмыстарды орындау, қызметтерді көрсету кезіндегі ақшалай есеп айырысуларға байланысты қызмет тоқтатылған;

​салық төлеуші таратылған, қайта ұйымдастырылған немесе оның қызметі тоқтатылған;

​БКМ-ның оны одан әрі қолдану мүмкіндігін болғызбайтын техникалық ақауы туындаған;

​БКМ бақылау-касса машиналарының тізілімінен алып тасталған;

​техникалық жарамды БКМ моделі жаңа модельге ауыстырылған;

​бақылау-касса машинасы ұрланған немесе жоғалған жағдайлар жатады.

​БКМ ұрланған немесе жоғалған кезде есептен шығару ішкі істер органдарына берілген ұрлық туралы өтініштің көшірмесі және (немесе) Қазақстан Республикасының бүкіл аумағында таралатын мерзімді баспасөз басылымында жарияланған жоғалғаны туралы хабарландырудың көшірмесі болған кезде жүргізіледі.»

#Заң_мен_тәртіп #Закон_и_порядок
#законипорядок
#заңментәртіп