memleket.kz

    ШЫМКЕНТТЕ БАДАМ ӨЗЕНІ БОЙЫНДА ҚОСАЛҚЫ СТАНЦИЯ САЛУ ЖОБАСЫ ЖҮЗЕГЕ АСЫРЫЛУДА

    "Шымкент қаласының энергетика және инфрақұрылымды дамыту басқармасы" КММ·Жаңалықтар мұрағаты
    1 / 4

    ШЫМКЕНТТЕ БАДАМ ӨЗЕНІ БОЙЫНДА ҚОСАЛҚЫ СТАНЦИЯ САЛУ ЖОБАСЫ ЖҮЗЕГЕ АСЫРЫЛУДА

    Шымкент қаласында тұтынушыларды электрмен жабдықтау сенімділігін арттыру және қаланың энергетикалық инфрақұрылымын дамыту мақсатында «Бадам өзені бойында 110 кВ ӘЖ бар 110/6 кВ қосалқы станция салу» жобасы жүзеге асырылуда. Жобалаушы ұйым – «АлатауЭнергоПроект» ЖШС, техникалық қадағалауды «ТұранҚұрылыс» ЖШС жүзеге асырады. Бас мердігер ұйым – «Электромонтаж» АҚ. Жоба аясында қуаттылығы 125 МВА болатын АТ-3 автотрансформаторын орнату, ұзындығы 1,5 км болатын 110 кВ кабельдік электр беру желісін тарту, сондай-ақ «Стандарт Стилл» ЖШС аумағында қуаттылығы 40 МВА күштік трансформаторын орнату қарастырылған. Қазіргі таңда «Қазығұрт» 220 кВ қосалқы станциясында қуаттылығы 125 МВА болатын АТ-3 автотрансформаторын монтаждау жұмыстары толық аяқталды. Ұзындығы 1,5 км болатын 110 кВ кабельдік электр беру желісін тарту жұмыстары да толық орындалды. Сонымен қатар, 220 кВ I және II секцияларының шиналарын монтаждау аяқталды. Қазіргі уақытта 110 кВ I және II секцияларының шиналарын монтаждау жұмыстары жалғасуда. Монтаждау жұмыстары аяқталғаннан кейін АТ-3 автотрансформаторын қосу және 72 сағаттық сынақтан өткізу жоспарлануда. Сынақтар сәтті аяқталған жағдайда жабдыққа кернеу беріліп, ол пайдалануға енгізіледі. Жобаны іске асыру АТ-1 және АТ-2 автотрансформаторлары арасындағы жүктемені қайта бөлуге, олардың жүктемесін азайтуға және электр желілерінің жұмыс сенімділігін арттыруға мүмкіндік береді. Сондай-ақ, көзделген жұмыстар аяқталғаннан кейін «Ақжар» 110/35/10 кВ қосалқы станциясына кернеу беру жоспарлануда. Бұл өз кезегінде Құрсай елді мекенін электрмен жабдықтау сенімділігін арттыруға мүмкіндік береді. Аталған жоба Шымкент қаласының энергетикалық инфрақұрылымын дамытудағы маңызды кезеңдердің бірі болып табылады. Оның іске асырылуы тұтынушыларды тұрақты әрі сенімді электр энергиясымен қамтамасыз етуге бағытталған.

    Жаңалықтардан хабардар болыңыз@memleket_newsҚазақстандағы маңызды оқиғалардан хабардар болу үшін memleket.kz Telegram арнасына жазылыңыз.Жазылу

    Ұқсас материалдар

    Барлық жаңалықтар

    ""Шымкент қаласының энергетика және инфрақұрылымды дамыту басқармасы" КММ" жаңалықтары

    Барлық жаңалықтар
    Келесі жаңалық