Ақмола облысында 2,5 жыл ішінде 370-тен астам рұқсат етілмеген қоқыс үйінділері жойылды

Ақмола облысында "Таза Қазақстан" аясында елді мекендердің тазалығын қамтамасыз ету және экологиялық мәдениетті қалыптастыру жұмыстары жалғасуда. 2024 жылдың сәуір айынан бастап аймақта 379 рұқсат етілмеген полигон жойылды, ал жиналған және шығарылған қалдықтардың жалпы көлемі 217 мың тоннадан асты.
Табиғатты қорғау заңнамасының бұзушылықтарын анықтау және жолын кесу үшін өңірде 189 мобильді топ жұмыс істейді. Олардың құрамына қоғамдық қауіпсіздік және әкімшілік полиция бөлімшелерінің қызметкерлері, қоғамдық көмекшілер мен еріктілер кіреді.
Бастаманы іске асыру барысында полицейлер 285 мыңнан астам әкімшілік құқық бұзушылықтың жолын кесті. Сонымен қатар, жүргізушілері белгіленбеген жерлерде ағынды суларды төгуді жүзеге асырған 81 ассенизаторлық көлік мамандандырылған автотұрақтарға қамалды.
Тұрмыстық және құрылыс қоқыстарын заңсыз шығару, сондай-ақ абаттандыру ережелерін бұзу фактілерін анықтауға ерекше назар аударылады. Бұл бағыттағы жұмыс ластану салдарын жоюға ғана емес, сонымен қатар осындай бұзушылықтардың алдын алуға бағытталған.
Полицейлер еске салады: "Таза Қазақстан" аясында рейдтік іс-шаралар күн сайын өткізіледі. Бұл ретте өңірдің тазалығы тиісті мемлекеттік органдардың немесе коммуналдық қызметтердің жұмысына ғана емес, әрбір тұрғынның жауапкершілігіне де байланысты.