АУДАН ӘКІМІ ОЙМАУЫТ АУЫЛЫНДАҒЫ ҚҰРЫЛЫС ЖҰМЫСТАРЫНЫҢ БАРЫСЫМЕН ТАНЫСТЫ

Байғанин ауданының әкімі Айбек Купенов Оймауыт ауылына жұмыс сапарымен барып, елді мекенде салынып жатқан бірқатар нысандардың жұмыс барысымен танысты.

🔹Аудан басшысы алдымен 150 орындық мектеп-балабақшаның құрылыс барысымен танысты.
Ұзақ уақыт бойы тоқтап тұрған нысанның құрылысы облыстық бюджеттен қайта қаржыландырып, қазіргі таңда жұмыстар жоспарға сәйкес жүргізілуде.
Құрылыс жұмыстарын «SG Kurylys» ЖШС атқаруда.
Жоба құны - 1 млрд 156 млн теңге. Жоба ауыспалы, 2027 жылы пайдалануға берілмек.

🔹Сонымен қатар аудан әкімі жеке салынып жатқан ветеринарлық пункттің құрылысымен танысты. Жаңа нысанда арнайы зертхана мен мал қабылдау, егу алаңы қарастырылған.
Бұл ауылдағы ветеринариялық қызметтің сапасын арттыруға және мал ауруларының алдын алу шараларын тиімді жүргізуге мүмкіндік береді.

🔹Жұмыс сапары барысында аудан басшысы ауылдық өрт сөндіру бекетінің жаңа ғимаратында жүргізіліп жатқан құрылыс жұмыстарының жай-күйімен де танысты. Жаңа ғимарат бекет қызметкерлерінің күшімен салынуда. Бұл елді мекендегі өрт қауіпсіздігін нығайтуға ықпал етеді.

🔹Сапар қорытындысында аудан әкімі жауапты тұлғалар мен мердігер ұйымға құрылыс жұмыстарының сапалы әрі белгіленген мерзімде аяқталуын қамтамасыз ету жөнінде тапсырмалар берді.