Қонаев қаласы мәслихатының VIII шақырылымдағы қызметіне шолу

Кеше Қазақстан Республикасы Президентінің Жарлығымен барлық деңгейдегі мәслихаттар депутаттарының өкілеттіктері мерзімінен бұрын тоқтатылды.
Осыған орай, Қонаев қаласы мәслихатының VIII шақырылым депутаттарының төрт жылдық қызметін қорытындылаймыз.
4 жылда 73 сессия өткізіліп, 246 шешім қабылданды, 145 депутаттық сауал жолданып, 100-ден астам азамат жеке қабылдауда болды.
Бұл көрсеткіштердің артында қаланың дамуына бағытталған ортақ еңбек, тұрғындардың мәселелерін көтеру және оларды шешуге атсалысу жұмыстары тұр.
VIII шақырылым депутаттарына атқарған еңбегі, белсенді азаматтық ұстанымы және Қонаев қаласының дамуына қосқан үлесі үшін алғыс білдіреміз.
Бірлескен жұмысқа қолдау көрсеткен мемлекеттік органдарға, әріптестерге және өз ұсыныстары мен өтініштерін сеніп жеткізген қала тұрғындарына ризашылығымызды білдіреміз.
VIII шақырылымның қызметі аяқталғанымен, атқарылған жұмыстар мен жинақталған тәжірибе қаланың одан әрі дамуына қызмет ете береді.