Осакаров ауданында аудан әкімі Руслан Нұрмұханбетовтің ауылдық округтер мен кент тұрғындарымен кездесулері басталды. Алғашқы кездесулер Николаев, Сұңқар және Құндызды ауылдық округтерінде өтті.
Кездесулер барысында тұрғындар өздерін толғандырған сұрақтарын тікелей қойып, ұсыныстарын білдірді. Өтініштердің басым бөлігі ауылдар үшін өзекті мәселелерге қатысты болды. Атап айтқанда, жолдардың жағдайы мен елді мекендерді абаттандыру, көшелерді жарықтандыру және электрмен қамтамасыз ету, қатты тұрмыстық қалдықтарды шығару, әлеуметтік нысандарды жөндеу, ветеринариялық пункттердің жұмысы және күнделікті тұрмысқа қатысты басқа да мәселелер көтерілді.
Көтерілген әрбір мәселе бойынша тиісті түсініктемелер берілді. Қосымша қарауды қажет ететін мәселелер бақылауға алынып, жауапты қызметтер мен бөлім басшыларына тиісті тапсырмалар берілді.
Қаржыландыруды немесе коммуналдық кәсіпорындармен және басқа да ұйымдармен бірлесіп жұмыс істеуді қажет ететін мәселелерге ерекше назар аударылды. Осы мәселелер бойынша шешу жолдарын қарастырып, алдағы іс-қимыл тәртібін айқындау тапсырылды.
Ауданның ауылдық округтері мен кент тұрғындарымен кездесулер бекітілген кестеге сәйкес жалғасады.
