Жол қауіпсіздігіне тікелей әсер ететін құқық бұзушылықтарға ерекше назар аударылуда. Атап айтқанда, тиісті рұқсатсыз қайта жабдықталған көлік құралдарын басқарудың 4 фактісі анықталды. Сонымен қатар, қала аумағында дрифт жасап, азаматтардың тыныштығын бұзған жүргізушінің әрекеті тоқтатылды. Жол қауіпсіздігін қамтамасыз ету бағытындағы жұмыс жалғасуда. Полицейлер жүргізушілерді жол қозғалысы ережелерін сақтап, басқа да жол қозғалысына қатысушылардың қауіпсіздігі мен тыныштығын құрметтеуге шақырады.
