Қарттар күніне орай ұйымдастырылған салтанатты кездесу Ж. Тлеулин атындағы жоғары медициналық колледжде өтті. Бұл күні 17 медицина қызметкеріне алғыс білдіріліп, лайықты марапаттар табысталды.
Көп жылғы адал еңбегі үшін Айыртау аудандық ауруханасының фельдшері Ақтамар Омарова «Құрметті ардагері» төсбелгісімен марапатталды.
Ардагерлерге Солтүстік Қазақстан облысы денсаулық сақтау басқармасының басшысы Сәкен Амрин жылы лебізін білдірді. Ол медицина қызметкерлеріне мамандыққа адалдығы, жоғары кәсібилігі және халыққа ұзақ жылдар бойы қалтқысыз қызмет еткені үшін алғыс айтты.
Кездесу ардагерлерге арналған мерекелік концерттік бағдарламамен жалғасты.
