«Заң мен тәртіп» қағидаты аясында кездесу
Алматы мемлекеттік гуманитарлық-педагогикалық колледжі №2-де жастардың құқықтық сауаттылығын арттыруға бағытталған ақпараттық-түсіндіру кездесуі ұйымдастырылды.
Кездесу барысында білім алушыларға заң талаптарын сақтау, құқықтық жауапкершілік, қауіпсіздік және құқық бұзушылықтардың алдын алу мәселелері бойынша түсіндіру жұмыстары жүргізілді.
Сонымен қатар қатысушылар өздерін қызықтырған сұрақтарын қойып, мамандардан тиісті жауаптар алды.
Іс-шараның негізгі мақсаты — жастар арасында құқықтық мәдениетті қалыптастыру, заң талаптарын құрметтеуге тәрбиелеу және «Заң мен тәртіп» қағидатын кеңінен насихаттау.
