Астанада елорда тұрғындары мен қонақтарының демалуына арналған жаңа орын – «Лес» экопаркінің ресми ашылу салтанаты өтті.
Саябақ 10 гектар аумақты алып жатыр және бір уақытта 300-ге дейін қонақты қабылдай алады. Жобаның жүзеге асырылуы нәтижесінде 60 жаңа жұмыс орны ашылды.
Ашылу салтанатына мемлекеттік органдар, ұйымдар мен даму институттарының өкілдері қатысты. Құрметті қонақтар қатарында ҚР Бас прокуратурасының Инвесторлардың құқықтарын қорғау комитетінің төрағасы Бауыржан Ералы, ҚР Сыртқы істер министрлігі Инвестициялар комитетінің Инвестициялық преференциялар басқармасының басшысы Серік Тасбулатов және Астананы дамыту орталығы Басқарма төрағасының орынбасары Ерлан Ержанов болды.
Жоба Астана қаласы әкімдігінің қолдауымен жүзеге асырылды.
«Лес» экопаркінің ашылуы елорданың демалыс инфрақұрылымын дамытуға және тұрғындар үшін жайлы қалалық орта қалыптастыруға бағытталған маңызды қадам болды.
https://www.instagram.com/p/DdrENhcTWqQ/
