Қарағанды облыстық ақпараттық-түсіндіру тобының Осакаров ауданына жұмыс сапары аясында конфессияаралық келісімді нығайтуға, жат діни идеологияның және діни экстремизм мен терроризмнің алдын алуға бағытталған кешенді іс-шаралар өткізілді. Жұмыс сапары барысында дін саласының сарапшылары халықтың түрлі санаттағы өкілдерімен кездесіп, зайырлы құндылықтарды сақтау, деструктивті діни идеологиялардың таралуына қарсы іс-қимыл жасау, сондай-ақ қоғамдағы өзара құрмет пен келісім мәдениетін нығайту мәселелерін талқылады. Сонымен қатар, Осакаров ауданының ақпараттық-түсіндіру тобы мүшелерінің кәсіби құзыреттерін арттыруға ерекше назар аударылды. Олар үшін профилактикалық жұмысты ұйымдастырудың заманауи тәсілдері, мақсатты аудиториялармен өзара іс-қимылдың тиімді әдістері және ақпараттық-түсіндіру қызметінің өзекті үрдістері қарастырылған оқыту семинары өткізілді.
