Қаражал қалалық мәслихаты төрағасының
Ш Е Ш І М І
Қаражал қаласы № 7 2026 жылғы 24 қыркүйек
Қалалық мәслихаттың
кезекті XLVІІІ сессиясын
шақыру туралы
Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару және өзін-өзі басқару туралы» Заңына сәйкес:
- VIII шақырылған Қаражал қалалық мәслихатының кезекті XLVІІІ сессиясы 2026 жылдың 29 қыркүйегінде сағат 10.00-де Қаражал қалалық әкімдігінің мәжіліс залында шақырылсын.
- Мәслихат сессиясын шақыру уақыты мен өткiзiлетiн орны туралы, сондай-ақ сессияның қарауына енгiзiлетiн мәселелер туралы депутаттарға, халыққа және әкiмге - сессияға кемiнде он күн қалғанда хабарлансын.
Сессияның қарауына енгiзiлетiн мәселелер бойынша қажеттi материалдарды депутаттарға және әкiмге - сессияға кемiнде жеті күн қалғанда табыс етілсін.
- Осы шешім қол қойылған күнінен бастап күшіне енеді.
Қалалық мәслихаттың төрағасы З.Оспанова
Х А Б А Р Л А М А
Қаражал қалалық мәслихатының кезекті XLVІІІ сессиясы 2026 жылдың 29 қыркүйегінде сағат 10.00-де Қаражал қалалық әкімдігінің мәжіліс залында шақырылады.
Сессия қарауына келесі мәселелер енгізіледі:
- Қаражал-Жәйрем өңірінде 2026-2027 жылдардағы жылу беру маусымына дайындық барысы туралы.
- «Қаражал қаласының жұмыспен қамту және әлеуметтік бағдарламалар бөлімі» мемлекеттік мекемесінің халықты әлеуметтік қорғау саласындағы мемлекеттік саясатты іске асыру жөніндегі атқарған қызметі туралы.
- Қаражал қаласының кәсіпкерлік және ауыл шаруашылығы бөлімінің атқарған жұмыстары туралы.
- Басқа да мәселелер.
Қалалық мәслихаттың төрағасы З.Оспанова
