eGov.kz порталының және eGov Mobile мобильді қосымшасының пайдаланушылары енді таңдалған кезең бойынша Қазақстан Республикасының Мемлекеттік шекарасынан өту фактілері туралы анықтаманы онлайн ала алады.
eGov.kz порталында анықтама алу үшін:
- eGov.kz порталында авторизациядан өтіңіз.
- «Қазақстан Республикасының Мемлекеттік шекарасынан өту туралы анықтама беру» қызметін таңдаңыз.
- Анықтаманың кімге рәсімделетінін көрсетіңіз: «Өзіне», «Кәмелетке толмаған балаға» немесе «Заңды өкіл».
- Қажетті мәліметтер қамтылатын кезеңді көрсетіңіз.
- «Қол қою және анықтама алу» батырмасын басыңыз.
- Өтінімге қол қоюдың қолжетімді тәсілдерінің бірімен қол қойыңыз.
Анықтама электрондық форматта қалыптастырылады және өңдеу аяқталғаннан кейін eGov.kz порталындағы «Менің профилім» → «Жеке кабинет» бөлімінде қолжетімді болады.
Таңдалған кезең 3 айдан аспауы тиіс. Қызмет көрсету мерзімі 15 минутқа дейін, қызмет тегін көрсетіледі.
