Кезектен тыс аттестация өткізу туралы хабарландыру

Кезектен тыс аттестация өткізу туралы хабарландыру
Алматы және Жетісу облыстар бойынша қылмыстық-атқару жүйесі департаменті Қазақстан Республикасы Ішкі істер министрінің 2025 жылғы 26 наурыздағы № 218 бұйрығымен бекітілген «Қазақстан Республикасы ішкі істер органдары қызметкерлерін кезектен тыс аттестациядан өткізу қағидаларына» (бұдан әрі — Қағидалар) сәйкес қызметкерлер арасында кезектен тыс аттестация өткізілетінін хабарлайды.
Аттестация өткізудің мақсаты
Алдағы тоқсанға арналған кадрлық жоспарлау шеңберінде кадрлық резервті қалыптастыру және қызметкерлерді жоғары тұрған басшылық лауазымдарға ұсыну.
Құжаттарды тапсыру тәртібі
Қазақстан Республикасы Ішкі істер министрінің 2022 жылғы 29 қыркүйектегі № 773 бұйрығына сәйкес ҚАЖД номенклатурасына енгізілген лауазымдарды атқаратын және кезектен тыс аттестациядан өтуге ниет білдірген қызметкерлер төмендегі құжаттарды ұсынады:
- белгіленген үлгідегі рапорт;
- «Документолог» ақпараттық жүйесі арқылы қалыптастырылған қызметтік тізім.
Құжаттар осы хабарландыру жарияланған күннен бастап бес жұмыс күні ішінде Департаменттің жеке құраммен жұмыс жөніндегі бөліміне ұсынылуы тиіс.
Қатысуға қойылатын шектеулер
Кезектен тыс аттестацияға келесі қызметкерлер жіберілмейді:
1.Басшылық лауазымдарға қойылатын ең төменгі біліктілік талаптарына сәйкес келмейтін қызметкерлер (Қазақстан Республикасы Мемлекеттік қызмет істері агенттігінің 2025 жылғы 30 шілдедегі № 124 бұйрығы).
ҚАЖД номенклатурасы лауазымдары үшін ең төменгі біліктілік талаптары:
- ҚАЖД аппараты бойынша — C-SVO-8, C-SVO-9 санаттары;
- Қылмыстық-атқару жүйесі департаменттерінің аумақтық бөлімшелері бойынша — C-SGU-2 санаттары.
2.Тәртіптік жазасы алынбаған қызметкерлер.
3.Оларға қатысты қызметтік тексеру немесе сотқа дейінгі тергеп-тексеру жүргізіліп жатқан қызметкерлер.
Байланыс ақпараты
Кезектен тыс аттестация өткізу мәселелері бойынша Алматы және Жетісу облыстары бойынша қылмыстық-атқару жүйесі департаментінің жеке құраммен жұмыс жөніндегі бөліміне хабарласуға болады.
Мекенжайы: Алматы қаласы, Красногорская көшесі, 73а.
Байланыс телефондары (WhatsApp):
+7 777 023 01 75
+7 705 333 34 63
+7 700 731 75 47