Қарағандының Майқұдық ауданында жаңа Оқушылар сарайының құрылысы жалғасып жатыр. Заманауи қосымша білім беру орталығы 900 балаға дейін қабылдай алады.
Құрылыс алаңында дайындық жұмыстары аяқталған. Қазір ғимараттың негізгі блогының панельдері орнатылып жатыр. Металл конструкцияларға отқа төзімді құрам жағылуда. Құрылыс жұмыстарына 80 адам жұмылдырылған.
Жоба екі блоктан тұрады. Бірінші блокта үйірмелер мен шығармашылық бағыттарға арналған кабинеттер орналасады. Мұнда балалар хореография, музыка, бейнелеу өнері, робототехника, STEM бағыттары, бағдарламалау, дизайн және заманауи цифрлық технологияларды меңгере алады.
Екінші блокта жаттығулар мен жарыстар өткізуге арналған әмбебап спорт залы болады.
Орталық Майқұдықтың және Қарағандының Майқұдық пен Оңтүстік-Шығыс шағынаудандары арасындағы жаңа аумақтың дамып келе жатқан әлеуметтік инфрақұрылымының бір бөлігіне айналады. Құрылыс аяқталғаннан кейін оқушылардың шығармашылықпен, спортпен, техникалық және цифрлық бағыттармен айналысуына қосымша мүмкіндік беріледі.
Болашақ Оқушылар сарайының мекенжайы: Қарағанды қаласы, Магнитогорская көшесі, 54/7 учаске.
