2026 жылғы 9 қыркүйекте Атырау бөлімшелік көліктегі санитариялық-эпидемиологиялық бақылау басқармасының маманы «РТИ-АНПЗ» ЖШС қызметкерлері мен медициналық пунктінің медицина қызметкерлері арасында «Жедел респираторлық вирустық инфекция (ЖРВИ) және тұмаудың алдын алу» тақырыбында семинар өткізді. Семинардың мақсаты – маусымдық жұқпалы аурулардың, атап айтқанда тұмау мен ЖРВИ-дің алдын алу шаралары туралы ақпараттандыру. Іс-шара барысында уақтылы вакцинациялаудың тиімділігі мен қауіпсіздігі, адамдар көп шоғырланатын орындарға баруды шектеу, жеке бас гигиенасын сақтау және үй-жайларды тұрақты желдету қажеттілігі түсіндірілді. Сондай-ақ медицина қызметкерлеріне Қазақстан Республикасының Бас мемлекеттік санитариялық дәрігерінің 2026 жылғы 26 тамыздағы № 11-ПГСВ «2026–2027 жылдардың эпидемиялық маусымында тұмау, жіті респираторлық вирустық инфекциялар (ЖРВИ) және COVID-19 коронавирус инфекциясы жөніндегі санитариялық-эпидемияға қарсы, санитариялық-профилактикалық іс-шараларды жүргізу туралы» қаулысы таныстырылды. Семинар соңында қатысушыларға тұмау немесе ЖРВИ белгілері пайда болған жағдайда дереу медициналық көмекке жүгіну қажеттігі айтылды. Қатысушыларға жадынамалар мен буклеттер таратылды.
