Ағымдағы жылдың 9 қыркүйегінде, Қазақстан Республикасы Қарулы Күштерінің жұмылдыру және жауынгерлік даярлау мақсатындағы негізгі іс-шараларының жоспарларына сәйкес, Шымкент қаласында командалық-штабтық жұмылдыру жаттығуының екінші кезеңі өткізілді.
Командалық-штабтық жұмылдыру жаттығуы барысында, Шымкент қаласы аумақтық қорғанысының 50120 әскери бөлімінде, халықты, аумақтық қорғаныс объектілерін және аумағын жұмылдыру, соғыс жағдайы кезеңінде және соғыс уақытында қарсыластың әрекеттерінен қорғауға байланысты теориялық сабақтар өткізілді.
Сонымен қатар, «Shymkent Bus» жауапкершілігі шектеулі серіктестігінің автобус паркінде жұмылдыру, соғыс жағдайы кезеңінде және соғыс уақытында есепке алынған автокөліктерді қабылдау бойынша практикалық оқу-жаттығуы жүргізілді.
