Облыста өңдеу өнеркәсібін дамыту жобаларына қандай несие ұйымдары өтінімдер қабылдайды және шарттары қандай ?

Question

Accepted Answer

Жауап: «Қызылорда» Өңірлік инвестициялық орталығы» Микроқаржылық ұйымы» ЖШС-і 2026 жылы Қызылорда облысының өндіріс және өңдеу өнеркәсібі саласындағы шағын және орта бизнес жобаларын қаржыландырға өтінімдер қабылдайды.
Несиенің бағыттары:
Жеңіл өнеркәсіп (киім-кешек, мата, аяқ киім, тері өңдеу және тері бұйымдарын жасау және т.б.);
Тұрмыстық химия өнімдері (кір жуу ұнтақтары, кір сабын, антисептиктер, антибактериалды сұйықтықтар және т.б.);
Темір және құрылыс материалдары өндірісі (қыштар, блоктар, бетон және темір-бетон бұйымдары, құбырлар, дәнекерлеу бұйымдары т.б.);
Ағаш өнімдері және жиһаз өндірісі (ағаш өңдеу материалдары, жиһаздар, баспалдақтар, есіктер және т.б.);
Ауыл шаруашылығы өнімдерін өңдеу (ет, сүт, ұн, балық, көкөніс-бақша, құс өнімдері және т.б.);
Басқа да өндіріс түрлері (пластмасс, қағаз, әйнек, резеңке өнімдері, мектеп жиһаздары, брусчаткалар және т.б.).
Бір жобаға 86,5 млн теңгеге дейін жеңілдетілген несие алуға болады. Жылдық пайыздық мөлшерлемесі – 6 пайыз. Несие 60 ай немесе 5 жылға беріледі. Оның 12 ай немесе 1 жылын жеңілдік мерзімі ретінде таңдауға болады.
Несие мақсаты – негізгі құралдарды сатып алу, айналым құралдарын толықтыру (айналым құралдарын толықтыру мақсатына қарыз алушының бір жобасы шеңберінде қаржыландыру сомасының 30 пайызынан аспауы тиіс).

Ұқсас материалдар