Коммерциялық емес ұйымдар болып табылатын заңды тұлға қатысушыларының құрамын ЗТ МДҚ-да қалай өзгертуге болады.

Коммерциялық емес ұйымдар болып табылатын заңды тұлға қатысушыларының құрамы Жарғыға (Ережеге) сәйкес қатысушылар құрамын өзгертуге уәкілетті тиісті органның құжатын қоса бере отырып, заңды тұлғаның өзінің өтініші негізінде ЗТМДБ-да өзгертіледі.

Коммерциялық емес ұйым құрылтайшыларының (қатысушыларының, мүшелерінің) тегін, атын, әкесінің атын (егер ол жеке басты куәландыратын құжатта көрсетілсе), туған күнін, айын, жылын, жеке сәйкестендіру нөмірін, тұрғылықты жерін, байланыс телефонының нөмірін, жеке қолын көрсете отырып, тізімі қосымша ұсынылады.

Заңды тұлғалардың мемлекеттік деректер қорында (ЗТ МДҚ) коммерциялық емес ұйымдар болып табылатын заңды тұлғаның басшысын қалай өзгертуге болады.

Коммерциялық емес ұйымдар болып табылатын заңды тұлғаның басшысы заңды тұлғаның өзінің өтініші негізінде Жарғыға (Ережеге) сәйкес басшыны тағайындауға уәкілетті тиісті органның құжатын қоса бере отырып, ЗТМДБ-да өзгертіледі.

Табылған, тасталған (бас тартылған) баланың тууын мемлекеттік тіркеу тәртібі?

Табылған, тасталған (бас тартылған) баланың тууы ішкі істер органдарының, қорғаншылық немесе қамқоршылық жөніндегі функцияларды жүзеге асыратын органның, бала орналасқан білім беру ұйымы немесе медициналық ұйым әкімшілігінің өтініші бойынша анықталған, бас тартылған немесе қалдырылған күннен бастап жеті тәуліктен кешіктірілмей тіркелуге тиіс.

Өтінішке бала табылған уақытты, орынды және мән-жайларды көрсете отырып, ішкі істер органы немесе қорғаншылық немесе қамқоршылық жөніндегі функцияларды жүзеге асыратын орган жасаған хаттама немесе акт; табылған баланың жасы мен жынысын растайтын медициналық ұйым берген құжат және бала туралы басқа да дербес мәліметтер қоса беріледі.

Медициналық ұйымда баладан бас тартқан жағдайда, осы ұйымның әкімшілігі Қазақстан Республикасының заңнамасында белгіленген нысан бойынша анасының жазбаша өтінішін ресімдеу жөнінде шаралар қабылдайды.
Баланы белгісіз ана тастап кеткен жағдайда медициналық ұйымның әкімшілігі екі куәгердің қатысуымен хаттама жасайды. Тууды мемлекеттік тіркеу кезінде хаттамалар тасталған (бас тартылған) баланы тіркеу туралы медициналық ұйымның лауазымды адамының өтінішіне қоса беріледі.