Мал шаруашылығы саласында бизнес ашу кезінде қандай көмек көрсетіледі?
1) «Ауылдық елді мекендер мен шағын қалаларда микрокредит беру және лизинг қағидаларын бекіту туралы» ҚР Премьер-Министрінің орынбасары - Ұлттық экономика министрінің 2025 жылғы 16 маусымдағы № 53 бұйрығына сәйкес «Ауыл аманаты» бағдарламасы аясында (ауыл шаруашылығы өнімдерін өңдеу, егін шаруашылығы, мал шаруашылығы және басқа да бағыттар) ауылдарға шағын несие беріледі.
Дегенмен, бағдарлама талабына сәйкес жеке тұлғалар үшін жобаны іске асыру жоспарланып отырған ауылдық елді мекенде немесе шағын қалада тұрғылықты жері бойынша кемінде 12 ай (микрокредит алуға өтінім беру күніне) тұрақты тіркеудің болуы талап етіледі.
2) "Игілік", "Береке" және "Жайлау" жеңілдетілген несиелеу бағдарламасы аясында асыл тұқымды мал сатып алуға жылдық мөлшерлемесі 6 % несие беріледі. "Игілік" және "Береке" бағдарламалары арқылы шетелден асыл тұқымды мал сатып алу қажет етіледі, "Жайлау" бағдарламасы бойынша отандық МІҚ және қой сатып алуға болады.