2022 жылы әкімшілік өзгерістер мен елді мекендердің атаулары өзгергеннен кейін жер учаскелерінің мекенжай деректері өзгерді. Жер учаскесіне арналған актіні қайта рәсімдеу қажет пе?

Question

Accepted Answer

Елді мекендердің, аудандардың атаулары немесе әкімшілік аумақтардың шекаралары өзгерген жағдайда бұрын берілген актілер өз күшін сақтайды және меншік иелері оларды ешқандай шектеусіз пайдалана алады.
Жер учаскесіне арналған актіні қайта рәсімдеу, әдетте, мынадай жағдайларда талап етіледі:
жер учаскесін сату, сыйға тарту, айырбастау немесе кепілге қою кезінде;
жер учаскесіне құқықтарды қайта рәсімдеу кезінде;
жер учаскесінің шекараларын сәйкестендіру және ретке келтіру кезінде.
Аталған жағдайлар туындағанға дейін бұрын берілген құжаттар заңды күшін сақтайды.
Қазақстан Республикасы Жер кодексінің 43-бабының 11-1-тармағына сәйкес, елді мекендердің әкімшілік-аумақтық құрылысы, атауы немесе шекарасы өзгерген жағдайда жер учаскелеріне сәйкестендіру құжаттарын ауыстыру бюджет қаражаты есебінен жүзеге асырылады.

Іс-қимыл тәртібі
Жер учаскесіне арналған актіні қайта рәсімдеу үшін «Азаматтарға арналған үкімет» мемлекеттік корпорациясы» КЕАҚ-на өтініш беру қажет.
Жер учаскесіне арналған актіні алғаннан кейін оны құқықтық кадастрда тіркеу қажет.

Мысал
Самар ауданының Самар ауылының (бұрынғы — Көкпекті ауданы) тұрғыны тұрғын үйді сатып алу-сату мәмілесін рәсімдеу үшін нотариусқа жүгінді. Нотариус әкімшілік-аумақтық өзгерістерден кейін туындаған мекенжай деректерінің сәйкессіздігіне байланысты мәмілені рәсімдеуден бас тартты. Жер учаскесінің құжаттары өзекті деректерге сәйкестендірілгеннен кейін мәмілені рәсімдеу мүмкін болды.

Терминдерге түсіндірме жер учаскесіне сәйкестендіру құжаты –жер, құқықтық және қала құрылысы кадастрларын жүргізу мақсаттары үшін қажетті жер учаскесінің сәйкестендіру сипаттамаларын қамтитын құжат.

Ұқсас материалдар