«Пиротехника» жедел-профилактикалық іс-шарасы аясында Маңғыстау облысының полиция қызметкерлері қоғамдық қауіпсіздікті қамтамасыз ету, заңсыз пиротехникалық бұйымдардың сатылуы мен пайдаланылуының алдын алу мақсатында профилактикалық рейдтер жүргізуде.
Рейд барысында сауда орындары тексеріліп, кәсіпкерлер мен тұрғындарға пиротехникалық бұйымдарды сақтау, сату және пайдалану кезіндегі қауіпсіздік талаптары мен қолданыстағы заңнама нормалары түсіндірілуде.
Сонымен қатар азаматтарға Қазақстан Республикасының Әкімшілік құқық бұзушылық туралы кодексінің 196, 415, 436 және 483-баптарында көзделген әкімшілік жауапкершілік туралы ескертілді.
Полиция қызметкерлері тұрғындарға пиротехникалық бұйымдарды тек арнайы мамандандырылған сауда орындарынан сатып алуды, өнімнің сәйкестік сертификаты мен пайдалану жөніндегі нұсқаулығын тексеруді ұсынады.
Құрметті тұрғындар! Пиротехникалық бұйымдарды пайдалану кезінде қауіпсіздік талаптарын қатаң сақтап, әсіресе балалардың өмірі мен денсаулығына ерекше назар аударыңыздар!
Қауіпсіздік – ортақ жауапкершілік!